政情:嚴玉麟囡囡喜見契媽

政情:嚴玉麟囡囡喜見契媽

電子業商會早前舉行慶祝三十周年晚宴,中策集團行政總裁柯清輝同太太拍拖到場,柯太一見電子業商會司庫、時捷集團主席嚴玉麟嘅太太同囡囡Carmen嚴紀雯就雞啄唔斷,三人細聲講大聲笑,不知幾開心。

講開至知,原來柯太係Carmen嘅契媽,兩人上咗契幾年。講起上契嘅因由,柯太笑謂,佢有三個仔,但冇女兒,佢同嚴太相識多年,收Carmen做契女,咪圓咗呢個夢囉!佢盛讚契女好乖,Carmen聽到即甜絲絲咁笑。

其實Carmen同賭王四太囡囡超盈分屬朋友,上個月超盈趁港大開學前,特登約咗Carmen同嚴太喺中環飲下午茶。Carmen話依家喺一間公關公司做嘢,累積社會經驗後,下年就會返英國讀短期課程,跟住完成大學最後一年課程。

右起:嚴玉麟太太、愛女Carmen同柯清輝太太聚埋一齊好好傾。