政情：沈祖堯自言深受良師影響
政情：沈祖堯自言深受良師影響
中大校長沈祖堯接受最新一期《中大校友》專訪，不時提及佢做人嘅大方向，原來深受良師影響。佢話做校長係為作育英才，希望學生受佢影響，正如佢亦受一位「一生行醫、兩袖清風」嘅老師影響。
講到高等教育嘅籌款文化，沈校長引用清華大學前校長梅貽琦嘅說話：「所謂大學者，非謂有大樓之謂也，有大師之謂也。」即係話大學教育不單着眼於起多幾座教學大樓同財務穩健，而校長嘅表現亦唔能夠單憑佢籌款夠唔夠多而決定優劣。
沈校長畢業於香港大學內外全科醫學士，之後獲中大頒授醫學博士學位，自此一直留喺中大工作，佢話中大校友對母校特別有歸屬感：「畢業幾十年嘅老校友，仲同我講佢係邊間書院嘅校友。」
最近一次佢去馬來西亞講學，順便同當地校友食飯敍舊，竟然坐滿六、七張枱，呢件事令佢感受到校友對中大嘅感情。