政情：霍公子投票甩底補睇《東方》
政情：霍公子投票甩底補睇《東方》
大前日立法會以五十五票贊成、兩票反對同一票棄權通過擴建將軍澳堆填區嘅廢令議案，成為近年首次有政府支持嘅立法建議畀立法會推倒。喺呢個歷史一刻，邊位議員缺席投票呢？就係體育、演藝、文化及出版界嘅霍震霆囉。
高票通過廢令翌日係立法會答問大會，行政、立法兩陣火花四濺，但霍公子氣定神閒咁攤開份《東方日報》慢慢細讀，相當搶鏡。原來佢睇緊大前日立法會高票廢令重挫政府嘅新聞，睇報紙了解番廢令議案嘅激辯過程，掌握事態發展，佢識搵《東方日報》嚟睇。
霍公子喺激辯廢令議案時缺席投票，但前晚就現身建制派飯局，為香港申辦亞運拉票。睇嚟佢對自己嘅議會工作，真係好識分「輕重先後」喎。
喺立法會答問大會上，霍震霆埋頭睇《東方日報》有關廢令嘅新聞。