政情：孫公冇有怕帶學生遊花園
政情：孫公冇有怕帶學生遊花園
青協尋晚請嚟教育局局長孫明揚同四百幾名學生對談，啲學生嘅問題都好尖銳㗎，嚟自可立中學嘅陳同學問到，可唔可以喺課程之中加入政治議題，例如內地異見人士劉曉波獲頒諾貝爾和平獎。有位黎同學仲搞笑，話有男同學去咗女同學屋企，再將相擺上facebook，之後男嘅被停課、女嘅就畀學校針對，問孫公點算好？
不過，孫公老油條咁帶大家遊花園。好似將政治問題加入課程咁，歷史上好多章節抽出嚟都好有影響力。佢仲話，「六四」可以講，但唔係要日日講，亦唔好以為政府一定迴避。至於嗰條學生被學校停課嘅問題，孫公更加牛頭唔搭馬嘴，話學一定要返，唔返就會畀個命令去返學喎。
面對同學尖銳嘅問題，孫明揚一於帶大家遊花園。