Sun追擊：冥Phone唔平 不及金銀衣紙好賣
Sun追擊：冥Phone唔平 不及金銀衣紙好賣
今年重陽節，iPhone等新潮祭品都推出了第二、第三代，更附有叉電器、駁線等配件。不過，對於業界來說，現時最暢銷的仍是傳統金銀衣紙，至於時款的祭品，只是為顧客提供多一個選擇。
「冥Phone等新潮紙紮品，幾乎係訂造回來，來貨價高，售價一啲都唔平。一部冥Phone都要成六十八元。所以，都唔係好去貨，就算重陽將至，一星期都係賣得幾部。」紙紮店負責人胡小姐表示，新一代的祭品佔整體銷售額不足一成，仍是傳統紙紮製品好賣，「好似嗰啲衣物套裝至三十八元一套，個個都執番一兩套，孝敬先人。」
不過，胡小姐表示仍會售賣新一代的祭品，「多啲款，啲客先至有得揀。好似有啲客嘅先人，生前喜歡炒下外匯，亦有啲顧客同我講笑咁話，陰間都有得炒外幣，所以要燒啲外幣畀先人」。
「冥Phone」與真實iPhone有幾分相似。