SUN世代：家世顯赫唔愛Ball場鍾情習武

周國豐家世顯赫，祖父周錫年爵士是首位華人耳鼻喉科醫生、行政及立法兩局首席議員，曾任牛奶公司、九巴及華人銀行董事長。父親周啟邦是劍橋大學法學碩士，六十年代回港開設律師樓。母親譚月清則是九巴創辦人之一譚煥堂的女兒。

最愛功夫片崇拜李小龍

Brandon不像父母愛去Ball，最大興趣是習武，劍擊、日本劍道、跆拳道、泰拳、北少林功夫也學過，一年前愛上詠春，拜師江志強門下。他笑說：「細個畀同學蝦，但因為夠大隻，我唔係捱打㗎，依家學詠春，就係鍾意佢實而不華！」

功夫片是他至愛，頭號偶像是李小龍：「佢係前無古人、後無來者嘅武術明星，直情係思想家、革命家！」看他文質彬彬，一本正經，想不到周星馳所有電影都愛看，他笑笑口：「我好鍾意睇戲，遲啲可能開個blog寫電影！」

小時候的Brandon扮成聖誕老人，與父母共度佳節。

周國豐一年前拜師學詠春。受訪者提供