政情：雷禮權自製白色iPhone 4
政情：雷禮權自製白色iPhone 4
好多名人都追捧潮玩，日前喺香港會撞到九巴後人William雷禮權，見佢又有新寵兒，就係手上嘅「白色」iPhone 4嘞。白色機殼iPhone 4似乎仲未出喎，佢喺邊度買呢？
William向記者展示部手機，先知道手機嘅白色表面原來係DIY（自己製作）。原來佢早前唔小心跌崩咗部黑色iPhone 4，於是靈機一觸，買個白色Bumper（膠邊），然後再用白色貼紙貼喺手機底面，遠睇似足白色iPhone 4。不過，反轉機底一睇，竟然貼咗好出名嘅MR.FUNNY公仔圖案。
網上流傳有iPhone 4白色機殼出售同更換服務，睇嚟好過用貼紙，但William就話唔會考慮，因為佢擔心攞部機畀人換殼時會洩漏個人資料。
雷禮權展示自製嘅白色iPhone 4，機面黐咗白色貼紙，背面仲貼有MR.FUNNY圖案。