政情：楊華勇拉頭馬勁開心
政情：楊華勇拉頭馬勁開心
全國政協委員楊孫西同阿仔楊華勇嘅愛駒「財富之星」，表現向來麻麻哋，○八年七月贏過一次頭馬後，一直同冠軍無緣，上季最叻都係跑第三，直到前晚出賽快活谷忽發神勇，爆大冷奪冠。之不過，楊孫西身在北京公幹，由阿仔華勇做代表入場拉頭馬。
「財富之星」已經係七歲馬，竟然可以贏第二名半個身位，證明寶刀未老。華勇拉頭馬後上到貴賓室表現得好開心，話等爸爸返港後，一定要食餐飯好好慶祝吓！佢坦言近期頻頻入場，原本希望操fit愛駒，可惜愛駒表現令人心寒，估唔到今次出賽發揮得咁好，終於有機會再拉頭馬嘞！