成日為爭取勞工權益上街抗議嘅職工盟立法會議員李卓人，運動量十足，身形應該好fit至啱㗎，但唔知點解依然肚腩凸凸。日前傍晚喺ifc嗰邊嘅港鐵站見到阿人，當時佢將頂鴨舌帽調轉嚟戴，又戴住個耳筒口噏噏，成個放假look咁，見佢喺便利店買咗支水飲，然後入閘搭港鐵，途經一間有機健康天然食品專門店時，忍唔住入去睇一陣，但最後乜都冇買就行番出嚟。
