「不如叫置死心計劃」

【本報訊】置安心資助房屋計劃，毀多於譽，在互聯網上引發網民熱烈討論，署名「samuellwy」慨嘆：「2014年先有1,000個單位，量咁小又咁遲先推出，咁有咩用呢？不如叫置死心資助房屋計劃，你們死心啦……」；而「WindyLau168」則稱：「樓價係咁升，兩年先嗰一千單位，僧多粥少，長遠來講都解決唔到上車難！」

「打擊炒樓無料到」

網民狂轟計劃無助置業外，不少人更關注如何打擊炒賣情況，「luckymanhk」直言：「曾蔭權究竟明唔明依家嘅房屋問題？樓價已經去到一個連中產都覺得供樓好吃力嘅問題，依家樓價高企係因為一小撮人擁有大量房屋投資，政府有無諗過用咩方法打擊呢班炒家？」「nema」也說：「點解唔追殺炒家？打擊炒樓無料到！追殺炒家先可遏止樓市炒風，只係限制投資移民冇用，要限制投資炒賣先有用！」

而復建居屋仍是主流意見，「KENSZE」表示：「唔復建居屋，根本解決唔到問題，政府話唔復建居屋係怕阻到公屋3年上樓？我唔明，如果話阻住地產商賺$我會相信……先租後買2014年先有，到時香港人應該蝸居晒，瞓晒街……」