政情：陳晴打高球享受天倫樂
政情：陳晴打高球享受天倫樂
滙豐銀行下個月喺上海搞世界高爾夫錦標賽，為聯合國兒童基金會（UNICEF）籌款，啱啱獲委任為UNICEF香港委員會主席嘅Judy陳晴尋日腹大便便都抽空出席，仲話BB第一次嚟高球場，興奮得滯係咁踢佢喎！
身兼海洋公園保育基金主席嘅Judy以Vivienne Tam 出品嘅鬆身熊貓圖案上衣，配一條名師設計嘅熊貓鑽石鏈，一睇就令人聯想起佢早前領養嗰隻大熊貓「晴晴」。Judy自爆打高球唔叻，一年先打一次，但就好享受打波過程，事關可以同家人天南地北暢談一番。
Judy話依家每日都會同BB傾偈，BB亦好聽話，但就未計劃會唔會搵做過中央高官嘅爸爸幫佢改名。
腹大便便嘅陳晴，只能作狀打高球。
