Sun世代： 博士瞓身為街坊 呢粒寶石人人愛

乍聽「寶石事務促進會」這個名稱，定會聯想到鑽石、翡翠、玉石及水晶等，「好多人一見到個名，就以為我哋係寶石行業，其實完全無關。」創會主席林懷榮（Malcolm）笑笑口詮釋它的雙重意義：「寶石首先係指寶翠園、石塘咀一帶地區；更深一層意義係想講家園係每個人心目中嘅寶石，要好好保護同栽培。」

四十二歲的林懷榮，現任大新科技集團董事總經理。他自一九九八年由加拿大學成歸來，就在港島西區居住，幾年後遷入私人屋苑寶翠園。眼見「好多嘢唔理想，有時政府部門嘅處理手法又唔係咁好」，適逢友人提議成立一個組織，關注地區事務，林懷榮遂瞓身力撐，共同創立「寶石事務促進會」，至今約有一年光景。「大至全港性嘅政策，細至條路爛咗、渠管損毀、電車加價，我哋都有關注。」

街坊一聲多謝最窩心

三歲時由福建移居香港，家族生意是代理電子消防設備，小學、中學這段青葱歲月都在香港度過，林懷榮對香港懷着一份深厚感情。他經常笑容滿面，一提起社區工作，更是難掩興奮之情，他笑着說：「有時見到街坊返嚟講多謝，我哋都好滿足，畀到我好大推動力！」

在加拿大求學的所見所聞，是促使林懷榮回饋社會的原因之一。他十八歲赴加拿大升學，先後攻讀學士、碩士及博士學位，在當地生活了十幾年。「加拿大民主成熟程度好高，當地人嘅包容性好強，人與人之間互相尊重。返到香港，睇番香港嘅政治制度同民主制度，好多嘢唔係好成熟，制度上仲有改善空間。」

地區工作以外，林懷榮對青少年服務特別熱衷。他說：「年輕人係香港未來嘅棟樑，點樣培育佢哋成為有使命感、有責任感嘅人，係非常重要。」今年八月，林懷榮就以西區少年警訊名譽會長會活動推廣委員會主席的身份，帶領八十多名青少年到上海參觀世界博覽會：「佢哋都好開心，原來好多人未搭過飛機，所以呢啲活動特別有意義。有啲青少年嘅家庭條件冇咁好，社會應該畀多啲關心；如果適當栽培，佢哋一樣可以成為好有用嘅香港人。」

林懷榮

年齡：42歲

家庭：已婚，育有三名子女

學歷：加拿大麥基爾大學電機工程學碩士、博士

現職：

大新科技集團董事總經理

寶石事務促進會主席

中西區區議會文康委員會增選委員

中西區發展動力會務顧問

西區少年警訊名譽會長會活動推廣委員會主席

香港島婦女聯合會名譽會長

香港中西區婦女會名譽會長