政情：潘佩璆抱孫High過做老竇
政情：潘佩璆抱孫High過做老竇
相信大家仲記得，早前預告過工聯會立法會勞工界議員潘佩璆嘅大新抱有喜，上月十五日BB呱呱落地，潘醫生嘅男孫出生時重六磅六安士，佢正式「升呢」做爺爺嘞！
潘醫生尋日提起首次抱孫，喜形於色，話開心過當年自己第一次做老竇，佢話：「年輕時糊裏糊塗就做咗老竇，都唔知發生乜嘢事，今次做阿爺，深刻好多！」佢話人到咗佢呢個年紀，見到家庭有小生命誕生，心裏油然而生出一份生命延續嘅喜悅同幸福感，係金錢同名譽等其他事物都無法代替嘅。所以，佢奉勸各位已婚但冇打算生BB嘅年輕人再三諗一諗，希望大家到鬢髮斑白嘅時候，都可以享受佢依家呢份喜悅。
睇嚟潘醫生依家真係有孫萬事足，佢話打算喺下月下旬擺幾圍，請親朋戚友嚟開心一番，既慶祝抱孫，亦慶祝結婚三十周年。
潘佩璆形容抱孫仲興奮過做老竇嗰陣。
孫仔未滿月，仲未改名。 潘佩璆提供圖片