克勤仔尋日公布一個都市病嘅調查，發現好多港人對脂肪肝嘅認知度不足，呢個都市病有機會演化成肝硬化甚至肝癌，千祈唔可以輕視。

心律不正虛驚一場

講到自己嘅身體，克勤仔話佢算後生，家吓每年都會做一個簡單嘅身體檢查，隔年先做一次詳細嘅。幾年前驗身時，佢嘅膽固醇水平輕微超標咗百分之零點二，更有心律不正現象。睇完報告後，克勤仔忐忑不安，好似覺得自己個心跳得好快。為咗釋疑，佢決定做一次詳細檢查，後來發現只係虛驚一場，醫生話之所以搞出個咁嚇人嘅結果，可能係因為佢上次做檢查時，咁啱畀樓下車輛嘅噪音嚇親咋喎。