議員張文光直指，港府引入醫保以減少醫療公帑開支的如意算盤打不響。他表示，現有三十多個國家推行醫保，但卻令醫療通脹飛升，更加劇濫用問題，「買咗保險嘅用到盡，保費加，病人繼續苦。」他又擔心屆時醫管局的資深醫護進一步被撬走，「留番最弱勢嘅市民喺公立醫院被剝削！」
議員陳偉業批評自願醫保得益的只有保險公司，現時中產人士趨向貧窮化，再供醫保只會百上加斤，「係痛苦同災難嘅開始，同強積金一樣係世紀謊言！等同送錢畀保險公司使，得益的只有名醫同私家醫院！」議員王國興亦擔心自願醫保淪為強積金翻版，被高行政費及管理費蠶食市民的供款。
政府建議提供優惠資助市民買醫保，議員何俊仁表明計劃難以接受，「公立醫院好多救命藥、手術、儀器都唔資助，政府寧願資助人買保險？真係講唔通！」議員李華明批評，政府無法監管保險公司加保費，「純粹畀指引係冇用，加保費應要申請同審批，否則肥咗保險公司。」
保險界議員反指利潤微
不過，保險業界議員陳健波指出，政府規定保險公司必須承諾不拒保及終身續保等十大原則，「全部都係辣嘢，依家保險界擔心多過開心！」他指醫療保險的利潤僅為百分之三至五，利潤很微，自願醫保必須對保險業界公平、合理及實際可行，「要確保業界唔係面對十大酷刑先行得通。」
食物及衞生局局長周一嶽指，曾與保險業溝通，只要有三十萬名市民投保，已足夠令計劃持續。愈多市民買醫保，政府希望依賴公營醫療的市民由九成減至八成。政府不建議醫保保費可扣稅，相信直接資助投保更有效。
市民諗過先
李先生（退休人士）
我六十三歲，多病痛，有心臟病和胃病等。若有政府資助，我都想買醫療保險，有病可以睇私家醫生，但若每月供款千幾、二千元，就無能為力，因為我無收入，靠仔女供養。
賴小姐（待業）
若政府有資助，我都會考慮買，月供幾百元可以接受，有病可以睇私家醫生，不用排政府。
畢先生（機場地勤）
已買了兩份醫療保險，合共月供約八百元，我認為足夠，即使政府有資助，我也不會考慮再買。
陳小姐（飲食業）
有買開保險，月供成千元，當中二百多元係醫療保險，我認為足夠應付需要，即使政府有資助，但資助得幾耐？我不會再買，也負擔不到再加保費。