同中銀（香港）最多轇轕嘅係保險界議員陳健波，除咗有股票外，佢做顧問嘅再保險公司同中銀（香港）有生意來往，而且佢同中銀（香港）副總裁林炎南都係強積金計劃諮詢委員會成員。

建仔議員陳鑑林、專業會議議員劉秀成同工聯會議員葉偉明就揸住中銀（香港）股票兼開咗戶口；同樣係中銀（香港）客仔嘅，仲有建仔議員李慧琼同專業會議議員梁美芬，李慧琼仲好捧場，有齊儲蓄、支票兼信用卡戶口添！

最搞笑係白鴿黨議員甘乃威，佢疑似有中銀（香港）人民幣戶口，事實佢本紅簿仔唔見咗，所以連佢都唔肯定，但都申報住先啦！主席何鍾泰就申報話佢同和廣北都係策發會成員，不過有乜利益關係呢？