在九龍城舊樓剝落的外牆，會見到鄺祖德（Enrico）的巨型海報，感覺有點九唔搭八。Enrico卻微笑地說：「我掛上去㗎！幢樓係屋企擁有，用得唔好嘥嘛！」原來他的家族正是九龍城大地主鄺家，祖父鄺命光在九龍城從事樓宇買賣，凡屋頂有個星形標誌都是他們家族所有，包括前國際百貨、國際戲院，後來生意由父親鄺君能接管。

放大圖片	九龍城舊樓掛上鄺祖德新專輯的宣傳海報。

Enrico身為「九龍城皇帝孫」，童年不憂柴憂米，十二歲有機會到英國讀書，考獲碩士學位，唱歌、鋼琴也考到八級。回港後，他卻無承繼祖業，把心一橫入樂壇。

原來Enrico曾做過廣告童星！	鄺祖德畢業於英國倫敦大學帝國學院。	鄺祖德與醫生姊姊鄺靄慧感情要好，合辦關注遺傳性乳癌活動。

出道即「入雪櫃」打擊大

「由細到大都鍾意講道理，好想用音樂表達想法。」Enrico懷着簡單的音樂夢入行，拒絕用家底谷人氣，但他入行不久即被打沉：「○三年出道，出碟前撞正公司人事變動，成個計劃停晒，發展唔到，亦走唔到。」這就是藝人最忌的「入雪櫃」，廿幾歲是事業發展的黃金期，但他偏偏被迫停足四年。

Enrico細個精靈活躍，十二歲就遠赴英國讀書。	Enrico父親鄺君能曾擔任電視藝員。	鄺祖德樂觀面對昔日的不順利，近日再推出新唱片，為樂迷說故事。

出碟無期，Enrico用另一方法達成夢想：「我幫人寫歌，識到好多製作人，做幕後得着更多。」○七年他用寫歌收入製作唱片，可是卻遇人不淑！

「有填詞人知我屋企環境好，喺我錄晒歌後開天索價，仲話唔畀錢唔得！但錢唔可以亂使，我再搵過填詞人，再由頭錄歌。」黑到盡頭有反彈，幾經辛苦，二十八歲推出首張唱片，達成用音樂講道理夢想，更乘勝追擊籌備新唱片，但此時父母竟說這是最後一張唱片。

靠努力贏得父母支持

父母原來不太支持Enrico將音樂當事業：「爹哋做過藝員，知呢行難撈，唔想個仔咁辛苦。」但冰山終會融化，Enrico的努力感動父母：「雖然中文唔好，但為歌曲故事更立體，我為每首歌寫故事。父母見我咁落力，終於支持，爹哋仲做首個校對員！」

入行七年，近月推出新唱片的Enrico不將倒楣當作一回事，只要有人欣賞就滿意：「無論日後做咩工作，都想抽時間用音樂講故事，做到有人嫌我『老餅』為止！」

鄺祖德小檔案

年齡：33歲

學歷：英國倫敦大學帝國學院電子工程系碩士

目標：一生貢獻音樂，直至被人嫌老為止

興趣：睇戲、游水、飲紅酒、音樂

場地：彌敦酒店The Nathan Cellar