華商會所變私人會客室

原來當日曹博士已經喺會所見咗三批朋友，佢笑言會所已經變成佢嘅私人會客室。退休前佢未雨綢繆，加入華商會所做會員，以便有個落腳之地。依家佢經常喺度打躉，無論係十四樓嘅中菜廳，十樓嘅西餐廳，甚至乎十一樓嘅圖書館，都係佢嘅熱門蒲點。

華商會所嘅蝦多士受到好多名人追捧，例如華商會所主席黃守正同全國人大常委范徐麗泰都讚不絕口。曹博士就鍾意點喼汁食，貪佢夠醒胃。