在「政府山」擬興建的三十二層甲級寫字樓，除引起私隱及保安問題外，亦會大大破壞中區風水。玄學家周漢明指，在政府總部西座原址興建一座高樓大廈，對風水百害而無一利。他解釋：「新寫字樓成三十幾層咁高，如果係『直筆甩』，而唔係圓柱形或者尖頂，就仲弊！佢係屬於『木星』，會壓住禮賓府，令政府有好多爭拗，不停受到民主派同公眾口誅筆伐！」
周漢明又表示，由於「木」與「金」相剋，該幢屬「木星」的高樓亦會影響本港的金融業務：「呢幢咁高嘅大廈會破壞中環風水，而呢區係銀行集中地，換言之就係對香港經濟發展有不利嘅影響！咁經濟唔好，社會自然冇咁穩定啦！」