肥亨仲當場向佢求證○四年底突然辭去渣打銀行香港區行政總裁一職，係咪因為公司要裁員憤而辭職？佢承認呢個講法有啲正確，因佢唔同意喺節日前裁員，事件對佢辭職決定造成一定影響。佢仲透露自己擔任CEO嘅三個哲學，首要係聘請最好嘅人幫自己做事，其次係盡量喺市場上爭取市場佔有率，最後係將公司品牌做到最好，三個哲學係相輔相成。

王冬勝話：「做領袖要有長遠眼光，廣闊嘅胸襟同眼界，要對唔同事物都有認識，對形勢作出分析，但最重要係懂得運用人才，因為好下屬可以令自己更有動力，下屬做得好，自己亦會繼續提升自己。」