「活力奔騰」跑完千八米返嚟依然活力十足，埋位影相冇耐就跳跳紮紮，大家惟有順佢意，影咗幾張就唔使佢再上鏡，難得李醫生唔介意，繼續開開心心同班老友影相留念。

至於佢老友、醫學會前會長謝鴻興醫生就買咗一百蚊支持，謝醫生話以前都好鍾意買馬，但每次都係小額投注，旨在考考眼光，雖則次次都有斬獲，不過佢好坦白咁話，如果靠買馬仔嚟開飯就唔得掂，都係做番專業最好喎。