Raymond吟嘅詞係東坡居士被貶謫到黃州、喺失意之下寫嘅，其中一句「一簑煙雨任平生」被視為東坡一生豁達嘅註腳，最尾一句「也無風雨也無晴」更係好多文人雅士咏嘆嘅佳句，Raymond近日因幫千瘡百孔嘅副局長同政治助理制度講好話，指制度獲中央重視，下屆應會保留，結果引起一陣風雨，泛民趁機抨擊中央「插手」港府內部事務。

呢番風雨應該令佢好有「料峭春風」嘅感覺，唔通佢借詞消愁，希望事件可以「也無風雨也無晴」？估唔到嘅係，佢嘅同僚潘潔都有兩道散手，喺fb和應，留下北宋朱敦儒《西江月》半首詞，好似叫Raymond「片時歡笑且相親」，即係得歡樂時且歡樂，佢哋雖然風雅解困，可惜詞中都有話「明日陰晴未定」噃！