大輝以前幫半島針織打江山時，經常到舊凱悅軒打躉，同主廚盧貴溪相識多年，佢最欣賞係盧師傅嘅四寶燉萬壽果，呢味菜式類似燉冬瓜盅，但唔用冬瓜，改用夏威夷木瓜，好味指數爆燈。佢仲推介荷葉金蒜銀絲蒸蟹鉗，當發現做法同上次唔同時，就問師傅點解蟹鉗墊底嘅唔係糯米；見到碟溏心雪花皮蛋酸薑時，又覺得啲溏心雪花皮蛋擺得唔靚，果然識飲識食。