三十二歲的阿勤，是民協中常委，他身形瘦削，不似要常做粗重工夫的男子。雖為家中孻子，卻不嬌生慣養，生於公屋家庭亦相當知足：「雖然喺公屋長大，但比起住木屋、板間房嘅小朋友，環境已經好好。」他探訪過住在板間房的家庭，更倍感自己身在福中：「裏面廁所、廚房嘅環境都好差，張床就係細路仔做功課嘅地方。」

細看他一輯名為「貧窮的希望」作品，見他到過貴州，接觸窮得「無飯開」的山區兒童：「佢哋主要嘅食糧，係粟米磨成嘅粉，我哋去探訪，獲安排喺一間課室內食飯，成班細路仔圍晒喺窗邊望住飯餸，流露極渴望嘅表情，睇到我個心好唔舒服。」最後他將飯餸和小朋友分享，讓個個笑逐顏開。

眼見貧富懸殊問題嚴重，他大學畢業後決意投身社會政策工作，出力扶助弱小，最初只是當立法會議員助理。○三年民協空降他出戰九龍城，首次參選便擊敗其他實力非凡的對手，年僅二十五歲當上區議員。後生細仔和區內老街坊溝通並無隔膜，反而是高齡大廈較棘手：「區內好多都係舊嘅私人樓，公屋有問題就話可以搵房屋署，但好多舊樓都無業主立案法團，想處理問題都搵唔到對口單位。」四年任期讓他賺了很多寶貴經驗。

積極裝備 打三份工兼進修

政途看似平步青雲，奈何「風光」往往離不開「一時」，政壇新丁始終難逃選舉中最殘酷的現實。○七年區議會選舉，他以數百票之差落敗，但無因此被打沉，深明勝敗乃兵家常事：「選舉除咗講個人努力，仲要講策略，輸咗唔會失望，最重要係以大局為重，好似打仗咁，有人要走到最前，有人要留守後防。」

落選四年來，他無讓自己停低，除了任職民協的職員，同時兼任中文大學和理工大學的導師，一個人打三份工，又修讀哲學碩士課程，裝備自己。新一屆區議會選舉如箭在弦，民協正積極部署，待細節落實，他來年隨時捲土重來。

Kan 李健勤 小檔案

姓名：李健勤（Kan）

年齡：32歲

學歷：

香港中文大學社會科學學士

（社會工作）

香港城市大學公共政策及管理碩士

香港中文大學碩士研究生

工作：

政策研究員

香港中文大學兼職導師

香港理工大學兼職實習導師

社會事務：

民協中常委

民主動力執委

香港社會工作者總工會理事

（社會事務）

九龍城區議員（2004-2007）

興趣：

攝影（紀實、風景）

乒乓球（曾擔任中大校隊隊長）

行山（曾參與兩次毅行者）

跑步（曾參與全程馬拉松）

足球