趙偉佳因卡片事件仕途受阻，陳國基冷手執個熱煎堆，由助理處長升任副處長，並喺今年中已通過副處長職位嘅署任期考驗，表現令人滿意。消息指陳國基始終係中途紮職，對新崗位以至未來一哥工作，有愈多時間熟習愈好，所以白韞六再坐一會，就係畀陳國基有更多時間為接任做準備，確保順利交接。

入境處下年五十周年大慶，八月有大型慶典，同白韞六離任之日只差五個月，佢未能參與呢場入境處盛事，為卸任寫下完美句號，都算係一個小遺憾。