咁啱尋日行政會議開會講醫療融資，唔知係咪議題太嚴肅，個個都好似冇咗便服日呢回事，執到正一正，唯獨啱啱退休嘅中大前校長劉遵義着住簡單嘅長袖恤衫，心口仲貼咗大大張服飾日嘅貼紙，但佢點都唔肯講捐咗幾多錢，淨係話唔係第一年參加，叫大家唔好大驚小怪。

鬍鬚曾全套老西

反觀其他嘅行會成員，財爺鬍鬚曾、梁智鴻、李業廣都係全套老西打埋呔，同平時冇乜分別，冇啲「輕便Feel」。工聯會會長鄭耀棠就着咗件企領恤衫，冇打到呔，不過手挽西裝褸，都唔算響應便服日喎！