回望三十，莊志豪的人生已好戲連場，事業成功背後，還有他的小家庭。兩個人兩個世界，可是Eric的愛情觀。「兩公婆千祈唔好做埋同一行，朋友就可以，否則悶到爆炸！」
Eric新婚兩年，太太是零售業的管理部高層。他說二人的工作性質截然不同，可以互相學習：「老婆管理中國市場員工好掂，我就淨係管理房仔（Eric的辦公室）入面嗰啲同事都管唔掂！哈哈！」
錢梗係我管啦
Eric對太太的工作能力讚不絕口，卻對她的管數能力好有保留，數口精的Eric說：「屋企啲錢梗係我管啦！佢對金融、數字無咩概念，不過我知道好多女仔數口都唔精嘅！」問到何時為小家庭增添一個小股神，他很豁達：「呢啲時也命也，睇天意！」
