富貴黨常委田北辰平時公務繁忙，但佢對自己嘅服裝零售集團生意一啲都冇放鬆，早前佢就親自帶住嚟自設計同埋產品發展部門嘅二十位同事歐遊取經，涵蓋旗下五個品牌。
佢話喺三十年前佢創辦自己盤生意後，每年都會帶隊外遊兩次，從來冇甩拖，而今次行程由九月十號至十九號，逗留十日期間主要穿梭各大百貨公司，例如巴黎嘅老佛爺（Lafayette）、倫敦嘅Harrods，吸收最新嘅潮流訊息啟發靈感。
歐洲一向係引領世界時裝潮流嘅聖地，唔單止店舖內嘅商品係佢哋考察嘅對象，連櫉窗設計、行人衣着，佢哋都唔放過。田二少話佢哋通常行咗一陣，就會坐喺露天咖啡座傾偈，消化吓參觀心得，喺靚景、靚物配襯嘅氣氛同環境下，佢哋心情都靚啲，腦震盪亦事半功倍！