鄭立中做過廈門市委書記，兩年前海協會會長陳雲林首次訪台，就係由佢率先跨海深入綠營大本營去踩線。

香港總會理事長楊孫西、會長高敬德、秘書長盧文端等當晚善盡東道主之誼，仲安排咗變臉表演助興，全場賓客睇到入晒神，點知變臉大師突然變出政制及內地事務局局長「林公公」林瑞麟嘅尊容，搞到全場爆笑，目光仲集中到坐喺台下嘅林公公夫婦身上添。

楊孫西話三十幾年前就喺台灣做紡織生意，佢盛讚台灣人好識做生意，將中國人、西方人同日本人嘅優點集於一身，傾生意時仲鍾意飲兩杯。