三十五歲的季詩傑是社民連秘書長,令他「成名」的,卻是去年底險些命喪前女友刀下。右臉頰留下「愛的刀痕」,他不想多談這段情:「愛得轟烈啲,又唔係一腳踏兩船,一時情緒失控啫。」差點命都冇,他不言悔:「鍾意睇感情好重嘅人,冇得改。人生冇嘢係屬於自己,惟有感情,錢根本唔係嘢。」
他的經歷也真的轟烈,○四年,在地鐵車廂喝止老翁縱火,成救人英雄:「當時閃過一刻會死,但真係有flash-back嘅,八、九成都係感情事。」今年四月,酒吧外又遭伏擊:「呢次仲無辜,我只係勸交咋。」
打政府工做到心淡
季詩傑在何文田長大,父母離異,中、小學讀天主教學校:「最早令我認識到做與想係兩回事,天主教叫人慈愛,但當犯同一過錯時,我就要罰留堂,教友呢,只罰抄經。」他為了減少受罰,中四便領洗。九四年考入城大法律學院,九八年畢業做行政主任(EO),翌年考政務主任(AO)獲取錄,曾在經濟發展及勞工局、衞生福利及食物局任職。「有好多嘢想改革,例如領養兒童,香港人好似寵物店揀寵物咁,有缺陷嘅無人領養,我好想改變,但老細唔想搞。」
天水圍倫常慘案,他統籌調查報告,以為要做得又快又好,卻偏偏不是那回事!「政府交個報告要半年,拖到件事丟淡。」終於心淡了,○四年辭職,當時的衞福局常任秘書長尤曾家麗力挽,都沒有改變主意:「人工十萬,但過唔到自己嗰關。」
批前同僚未曾驚過
他不時對一些仍在政府打滾的前同僚狠狠「鞭撻」,甚至諸多批評,問他是否怕得罪人?他滿不在乎。「改到就唔係我,你一係好鍾意我,一係好憎我,冇中間!」
季詩傑曾和朋友到北京開律師樓,專責公司收購、融資,○六年回港:「錢,真係好易搵。」他有大律師資格,但嫌困身,最近改做事務律師,○八年底加入「粗口政黨」社民連:「講粗口衰啲,定講大話衰啲?社民連係咁多政黨之中,最冇大佬文化,透明度高到你唔信!」
季詩傑小檔案
年 齡 :35歲
家庭狀況 :未婚,與母親同住
學 歷 :城市大學法律學院
現 職 :社民連秘書長
見習事務律師
興 趣 :睇波、踢波、旅行