林公公今次趁立法會十月中復會前，同太太去土耳其、希臘同意大利，佢話除咗意大利之外，另外兩個國家之前都未去過。呢三個國家都比較接近地中海，除咗氣候宜人外，氣氛仲相當浪漫，林公公就話自己想去土耳其同希臘呢兩個歷史文化深厚嘅國家睇睇古蹟，感受當地風土人情喎！

至於意大利，大家都知呢個國家係名牌集中地，既然一去再去，好明顯就係去「血拚」啦，仲話到明會去米蘭添！問佢係唔係要陪太座購物先至再去意大利，佢冇直接回應，只係講咗句：「你真係聰明！」