沈祖堯拉副校長高歌

郭位尋日出席支票遞交儀式時，一直笑到見牙唔見眼。城大除咗會將興建中嘅創意媒體中心以捐贈者命名外，郭位仲自爆係邵氏電影迷。喺台灣出世嘅佢話，自己早喺中學時代已開始睇邵氏電影，最鍾意係一九六三年由凌波、樂蒂主演嘅《梁山伯與祝英台》，話喺戲中反串梁山伯嘅凌波好戲又帥氣，係佢當年嘅偶像。佢又話戲中多首黃梅調歌曲亦非常經典，並即席哼咗其中一首插曲《十八相送》嘅幾句添！

中文大學校長沈祖堯尋日就同四百幾位中大師生喺中大校園步行半小時，響應國際無車日，之後佢又再同一批師生一齊慶祝中秋節，並拉埋一眾副校長上台高歌《月亮代表我的心》，與同事打成一片。