中秋節梗係要食月餅啦，但係傳統製法嘅月餅高糖高脂，食得多對健康未必有好處，所以近年嚟好多月餅都標榜健康，但有幾健康真係要睇清楚至知。早幾日喺香港會遇到教統會主席Moses鄭慕智，佢自爆血糖偏高，早喺二十年前、即四十歲時已戒食月餅，每年收到嘅月餅都會送畀親戚或慈善機構。Moses話有朋友知佢唔食月餅，有年中秋就送咗部任天堂Wii遊戲機畀佢，等佢得閒打機當做運動keep fit，果然係一份好有心思嘅中秋節禮物。