一身恤衫西褲皮鞋，加上大學講師和醫學院博士生的頭銜，怎看Michael也是成熟書生，但他說：「其實我以前無耐性，好驚讀書，但十公里都跑到，無理由讀書堅持唔到！」三十歲的他笑容陽光，無所不談，滲出運動員爽直的性格。打開他的履歷表，才知他「周身刀、張張利」，活木球、合球、籃球、羽毛球、游泳、田徑等十多項運動樣樣皆精。
與智障運動員各地宣傳
天生有運動基因，卻不一定要一世當運動員。「參加慈善活動、做義工、做研究，畀社區多啲運動認知，亦好有意義。好似我講半月板，唔一定個個識……」Michael在比賽場上是焦點人物，但他的眼光偏偏放在不起眼的地方，「奧運會呢啲世界盛事，大把人會去幫手，資源又多，唔需要我。」四年前，有朋友邀請他當國際特殊奧運會的導師，與智障運動員在兩年間到世界各地宣傳，他一口答應：「我幫譚偉業（運動員）寫演講稿，佢好快就背熟晒，非常犀利！」他從不覺得是在幫他們，「我哋就好似好朋友咁，周圍去玩！」
除了推動特奧會，在慈善工作「跑道」上，還有向長者宣揚做運動的好處。他的動力也很簡單，「記得有次探訪活動，見到老人家失禁，身體又唔好，嗰刻就諗一定要做啲嘢。」
「幾年前我同大學同學成立運動教學會，邀請區議員加入，啲活動就容易啲成事。」但萬事起頭難，最初搞活動他們要自掏腰包，更要出動商界網絡，「我細細個喺同鄉會做功課，識得唔少做廠嘅叔父，起初搞活動，要搵佢哋贊助。」
自小跑樓梯變長跑好手
Michael的運動細胞，是從生活中鍛煉出來，他微笑說：「我八歲由福建嚟香港，爸爸喺塑膠廠做，阿媽係家庭主婦，由得我自由發揮。小學嗰陣住喺荃灣六咪半啲木屋，落山買餸、買零食或放學返屋企，下下要行五百級樓梯（相等於十幾層樓），有狗嚟緊跑得仲快！哈哈！」日子有功，終變成長跑好手。如今他更用長跑的氣魄，繼續推廣運動，「用效率來追時間！」
林絢琛 Michael 小檔案
年齡‧30
現職‧浸大體育及康樂管理學系講師
學歷‧浸大體育及康樂管理文學士（一級榮譽）及碩士畢業
‧攻讀港大醫學院博士學位
公職（部分） ‧香港康樂管理協會執委
‧香港運動教學會會長
‧北區健康城市計劃籌委會執委
‧香港特殊奧運會運動員領袖訓練委員會執委