本文重點
貴為富豪後人，明德豐「平民」得出乎意料。訪問當日，他主動提出到大坑踎大牌檔：「呢度啲豬扒麵好正，老婆都鍾意，不過唔敢帶阿媽嚟囉。」他○四年結婚，大仔四歲，細仔三歲：「我唔會逼佢哋做啲乜，健康正常最重要。」
「Daddy太保護我哋」
Sherwin在美國加州理工大學修讀酒店管理，九六年畢業返港，曾在麗晶酒店（現洲際酒店）工作一年半。雖然醉心拍戲，但他主力和兄長打理家族旅行社生意，慨嘆：「旅行社真係好難做，仲要畀人走數。」他亦和朋友合營地產公司收購舊樓。
父親明嘉福生前有不少投資，但做兒子的卻不太清楚：「Daddy太保護我哋，從來唔使我哋操心生意，搞到我都唔知佢究竟有幾多生意做緊，要慢慢摸索！」