20/09/2010

播放本新聞相關短片

政情:陳細潔變金公主招運

「鯊魚女」Abby陳細潔形象百變,去親Ball往往成為焦點。雖然係「潮人」,原來佢篤信風水命理,呢排聽玄學家朋友指點,多着金色助提升運勢,早前佢以保良局總理身份出席慈善騷,就變身做「金公主」。

Abby話佢染咗一頭金髮,咁至襯番購自Chloe嘅金色背心短裙,加埋Moschino金色外套同金色D&G小手袋,光芒四射。但金色幾蝦人着,亂襯一通,好易娘爆。Abby就教路揀淺金色,感覺不落俗套。佢仲將寫字樓轉Look,喺自己間房換上金色布置,希望招來好運。

咁桃花呢?佢話隨緣啦,事關佢命中勁旺桃花,到六十幾歲依然大把人追,但桃花多好易令佢分心,阻礙事業,所以佢都係講金唔講心。