莎姐話約莫三年前開始覺得耳鳴，好似成日有蟲仔喺耳邊飛，試過喺香港搵中西醫解救都冇進展，於是就透過喺澳洲做醫生嘅老公弟婦介紹，不惜千里去德國搵呢位以雷射醫治痛症嘅名醫。

經過兩個禮拜醫治，莎姐情況有顯著改善，佢話隻「蟲仔」已經由「大蟲」變「細蟲」，或者時有時冇，對高頻嘅聽力亦都提高咗五至十分貝。效果咁好，莎姐即時訂購一部迷你雷射器，喺屋企隨時「滅蟲」。

返港前，兩公婆仲去咗米蘭「朝聖」，但莎姐話只係買咗Prada等四件名牌，唔敢使太多錢，話要留番啲錢睇醫生喎！