尋日Byron特登孖住太太同十三歲囝囝Jaliff同囡囡一齊入沙田馬場，食自助餐補祝生日。Byron係馬會會員，但一直冇養馬，舊年先至以二百萬元購入一匹英國馬，希望過吓馬主癮，愛駒經過一輪緊密訓練後，可望明年正式出賽。

另一邊廂，我哋見到全國政協常委陳永棋同沙田區議會主席韋國洪，棋哥入場主要係為愛駒「精密紡」出賽打氣，可惜最終三甲不入。至於韋國洪就入場湊熱鬧，佢手執一份《東方日報》馬經，仲話係《東方》嘅長期讀者，大讚《東方》馬經版數據準，貼士堅！