林以諾笑言，第一次返教會就遇上「神迹」，「悶到吖，牧師一開始講道我就瞓，直到『阿門』先起身！」再返教會，他更準備了十條問題打算「踢館」，但今次牧師回答得頭頭是道，引發他對基督教的興趣，並決定受浸，「當時阿媽同阿爸輪流同我傾咗成個鐘，阿媽喊住話驚無人裝香！」

成為牧師前，林以諾曾從事保險工作，他坦言保險既可賺錢又可以幫人，直至有客人認為保險是「贏咗用唔到，輸咗又唔抵」，一言驚醒，他毅然決定往新加坡攻讀神學。

信仰與生活不可分割

「我第一次返教會經驗，令我唔可以接受有人聽我講道時瞓覺！」他深明「對咩人講咩話」，用共同語言、貼身話題，才達溝通目的，傳教亦然。並於○○年起每年舉辦「棟篤笑」布道會，反轉牧師說教形象，一改沉悶的布道會內大堆「呼召」等難明的辭彙，嘻嘻哈哈從生活瑣事帶出教義真理。

他認為，信仰與生活不可分割，尤其是布道會對象是未信的人，他們未必理解艱深的道理，亦無興趣去聽沉重的理論。他承認，他的「棟篤笑」曾惹來宗教人士批評，指他影響基督教形象，甚至顛覆傳統宗教，但憑每場布道會的信主人數，就知他的叛逆本色又一次成功得逞。