饒宗頤學術館之友日前喺潮州商會設宴，慶祝潮州商會永遠名譽會長陳偉南獲頒港大名譽大學院士，國學大師饒宗頤同港大校長徐立之都有出席。早排饒老九十五歲大壽，好多「架己冷」齊齊陪饒老去敦煌，搞大型生日派對慶祝，所以饒老同校長喺晚宴再度碰頭，大家講起旅程點滴，依然回味。

話說有晚校長同成班朋友去睇星，睇到咁壯觀景致，令佢大開眼界；更難忘係見到三粒流星後，再見到一粒光點喺天空Ｚ形咁行，校長返到香港，天文學家話可能係UFO喎。