周總生日後一星期，尋日即傳出好消息，享譽國際嘅工程及科技學會向周總頒授榮譽資深會員殊榮，以表揚佢喺工程領域上嘅卓越成就。○九年度全球只有三人獲此殊榮，其餘兩人係皇家工程學院會員J.E.Midwinter同已故中共領導人鄧小平嘅女兒—中國科協常務副主席鄧楠。周總攞獎後謙稱，過去有幸同眾多才華橫溢嘅工程師共事，對獲此殊榮深感榮幸，愧不敢當喎！

其實周總多年嚟戰績彪炳，喺英國氧氣集團（BOC Group plc）工作二十年，九三年獲委任為集團氣體部門總裁；九七至○一年出任GKN plc總裁；其後任職布萊堡工業集團行政總裁；○三年底起出任地鐵行政總裁至今，真係長做長有。