早前Eric已經預告暑假會去外蒙闖蕩，結果返港後佢對外蒙之旅一直念念不忘。佢話此行遇上當地一個盛大節日，佢臨時被邀上台做主禮嘉賓，勁搞笑！呢個節目嘅內容好豐富，有點聖火、唱歌、跳舞同埋射箭等，大家玩得好盡興。

今次去外蒙係愛女嘅主意，事關囡囡好鍾意大自然，所以依家全家好少到大城市旅遊。個女又特別鍾意馬，當地有隻名種馬匹，原本已經喺當地絕種，但後來有專家發現歐洲仲有呢種馬，於是帶返外蒙繁殖。