鄺羅淑兒憶述，趕赴馬尼拉當日，最難受的是抵達醫院後向家屬宣布死訊一刻。

幸存者失眠發噩夢

鄺羅淑兒表示，首批家屬認領遺體之後，當地警方表示需盡速辦理死亡證及其他手續，在三十至四十五分鐘內便會將遺體移送往警察總部，「嗰陣仲有家屬未知屋企人死訊！」她與同事惟有一面向當局爭取時間，一面安排各家庭陸續認屍。

「要好短時間內將死訊講畀唔同嘅家庭知，陪佢哋見死者最後一面。好多家屬都傷心得好緊要，不停問點解會搞成咁？點解係自己親人有事？呢個畫面係好頻密咁發生，嗰一刻真係好傷感。」幸好當地殮房人員十分配合，在家屬進入殮房前，會先為死者清洗面上血漬，並以白布覆蓋其他死難者遺體；亦讓部分家屬親自為死者清潔，盡量減輕家屬痛苦。

鄺羅淑兒指出，不少幸存者及家屬於事後無法入睡及發噩夢，故回港後翌日已開始約見不同家庭繼續輔導，「到今個星期輔導工作稍為放緩，先發現自己都有好多感受湧番出嚟，會突然想起家屬嘅痛苦……」她指，稍後亦會安排六名醫療支援隊成員面談，以疏導各人情緒。

重新體會護士天職

負責帶領醫療隊的東區醫院急症室部門主管劉楚釗亦說，於馬尼拉期間需密切留意各隊員精神狀況，「一定要搞掂咗自己先，如果自己都有精神創傷，仲點幫人？」

首次參與境外救援工作的瑪麗醫院急症室資深護士黃熙締指，今次經歷讓她重新體會護士天職：「護士唔止提供醫療上嘅照顧，更重要係做到同行者，喺精神上畀家屬支援。」她在馬尼拉期間，不斷接獲同事打氣短訊，同時為她帶來莫大動力。