三十歲的謝劍鋒（Peter）是香港聯和國際集團創辦人謝國輝的兒子，現任公司董事總經理。自小生活無憂，十一歲就被父親送往加拿大讀書，○三年大學畢業返港，名正言順做太子爺。

少年時的Peter（右二）與父（右一）及弟妹在加拿大家裏留影。 受訪者提供	Peter與父親昔日在內地旅行時合照。 受訪者提供	愛駒「金堡龍華」拉頭馬，Peter（藍圈）和父親謝國輝（紅圈）在沙田馬場留影。 受訪者提供

公司總部在深圳，當時他幫忙管理家族旗下的金龍華廣場，每次巡視業務，都被人前呼後擁：「出入坐Benz、寶馬，保鏢一大堆，連公事包都有人幫我拎，同學嚟探我，都話我成個王子咁！」

聽父創業故事誘發外闖

這種「架勢」生活過了數年，他開始反思：「係咪一世留喺深圳，管一個商場就好叻？我自細已聽Daddy講佢嘅創業故事，好想出外闖吓！」○七年，他帶着二萬元「人仔」，決心往上海一闖。「Daddy喺北京有好多人脈，我特登唔去北京，結果去到上海唔夠半個月，租屋已使晒啲錢，最窮時口袋得番二百蚊！」他苦笑說。

幸好兩星期內已有四份工請他，最終在一間大型房地產投資基金公司工作：「公司幫一級外資如J.P Morgan、AIG搵中資開發商，合作發展內地房地產。內地開發商熟悉市場，但欠缺資金，外資機構有錢卻冇門路，公司負責為佢哋搭路收購、融資。」

他不惜由低做起，憑着勤奮和謙虛態度，兩年間擢升至老闆助理，更有公司出百萬年薪挖角。但他認為幫人賺錢，倒不如替父親賺錢，去年決定學成回家：「我好慶幸自己出去闖過，否則只會一世做井底之蛙！」現在的他躊躇滿志：「Daddy心願係喺香港、深圳各起一幢甲級商廈，我會視為目標，亦希望家族生意可以打入北京、上海！」

訪問中，Peter多番強調「localized」（本地化）的重要：「我有好多同學頂唔順內地生活習慣，自覺高人一等，不屑返大陸工作。返內地發展係大勢所趨，我初時都唔慣，想返加拿大，但男兒志在四方，做到localized就成功！」

謝劍鋒小檔案

年齡：30歲

學歷：加拿大渥太華大學經濟及電腦科技雙學位

現職：香港聯和國際集團董事總經理

興趣：賽馬、游水、玩色士風