14/09/2010

播放本新聞相關短片

政情:劉江華只飲貴價礦泉水

水務署經常話本港自來水質素高,但始終未能取悅立法會議員劉江華(圖)。點解咁講?因為唔知幾時開始,劉江華屋企已經冇煲水飲,長期訂購樽裝水,牌子就係享譽全球嘅「FIJI Water」天然礦泉水,佢大讚呢隻水嘅酸鹼度適中,比較適合佢體質。

劉江華話呢隻礦泉水佢飲咗一、兩年,雖然飲落口感同其他礦泉水差唔多,但佢感覺良好,覺得健康好多。

佢一向好識養生,飲用頂級天然水之餘,仲有做運動。記者有日遇見佢食完晏行返政府總部西座議員辦事處幫助消化,傾傾吓,佢就介紹咗呢隻天然礦泉水,仲即刻去超市買支嚟飲添!