三十歲仔的阿勇最鍾意約三五知己行山，玩得最狂的一次是大學期間參加「毅行者」，「要行一百公里，但我哋全無練習，膽粗粗就去，人哋有晒後援隊喺check point（檢查點）煮嘢食同帶衫換，嗰年仲有黃雨警告，溫度跌到得七度，但我哋乜都無帶，最後要用垃圾袋篤三個窿就當衫着！哈哈！」
連玩也搏盡，這個大細路一定很受小朋友歡迎吧！記者訪問當天還看到小朋友在他辦公室團團轉，他即笑道：「佢哋成日搵我玩，好過佢哋游來游去啦……」何時成家立室生個仔跟自己玩？「都未結婚，不過快㗎啦……快㗎啦……」說到人生大事，雙眼已笑得瞇成一線。
