間甜品店位於西九龍嘅圓方，由於柴田武亦係藝術家，所以佢特邀古典音樂歌唱家久保田陽子到場演唱助興，喺悠揚曼妙嘅歌聲伴奏下，店內衣香鬢影，熱鬧非常。應邀做主禮嘉賓嘅大家樂主席Michael陳裕光原來同柴田武相識十幾年，Michael好欣賞柴田武結合藝術同美食嘅超卓品味。問起會唔會心郁郁開甜品店，佢好客氣咁話：「唔會喇！都唔識做！」

日本駐港總領事館署理總幹事松永大介都有嚟撐場，佢一開口就嚇咗記者一跳，事關佢嘅廣東話真係唔錯，原來佢特登上堂學廣東話，至今已有年幾嘞！