KK話最初只係同網友就信仰交換吓諗法，但後來竟然成功用facebook幫市民處理個案，佢話：「有個六十幾歲嘅婆婆透過facebook同我講佢公屋唔養得狗嘅苦況，由於佢真係好需要隻狗陪伴支持，我就將單case轉介畀房署副署長，點知真係傾得掂。」

佢又自爆曾經好似「80後」咁同網友「約會」，前後同網友單獨見面不下七、八次，大家最後亦成為好友，其中有個網友仲係曾經沉淪毒海嘅人添！佢啲助理曾經擔心咁樣約啲網友出嚟，會唔會有危險㗎？但佢就話自己自細嚇大嘅，冇有怕喎！

其實，呢個世界又係靠嚇嘅，事關KK倡議「和平理性非粗口」，任何喺佢facebook爆粗嘅網友都會被「記大過」，記足三次即刻要被叮出局，所以約得出嚟見面嘅網友都係正經人。