居民指「壞得好密」

居住一樓的余小姐表示，「今次咁恐怖，梗係驚，有心臟病都可能嚇死！」她批評「部(車立)，壞得好密，好多年都無改善」。她曾向管理處及業主委員會反映，有時還直接向修升降機的工程人員說，但只獲回應「得啦，依家咪嚟整囉」！

居民盧太則指，「啲(車立)二十年來成日維修，間中有人困升降機，有時會停一停，震一震，又或者低咗半級。」居民黃太亦稱：「我同個女都困過(車立)，試過(車立)上去嗰陣唔開門，落番嚟又開番！」

翠麗花園業主委員會副主席葉婉儀表示，屋苑二十年來都由同一間公司負責升降機保養維修，「未試過咁大件事！」屋苑升降機一周一檢，兩周一詳檢，還有年檢及五年一次的大檢。她本周四會與保養承辦商開會，要求交代事件原因及加強檢查。