三個方案得票差不多

西九第二階段諮詢唔經唔覺過咗大半個月，有西九管理局高層話，公眾同傳媒嘅反應初步尚算正面，起碼冇人質疑任何一個設計「勁醜樣」、破壞環境、有抄襲成分、政府官商勾結甚至偏幫或內定某設計等。佢仲話局方冇諗過三合一，但做公眾諮詢後，最後如果要按照民意嚟修訂，好容易遭到另外兩個大師控告侵權，到時涉及嘅律師費同賠償就唔止一億五千萬喎。所以，佢哋買斷晒三個設計。

西九文化區嘅構想由以前嘅天幕，到家吓嘅海旁表演中心，在在都需要數以百億納稅人血汗錢去興建，最弊市民到家吓都仲係半信半疑。據聞，大半個月嘅諮詢顯示，市民對三個設計嘅投票好均勻，分分鐘三個設計票數相等，到時西九管理局用邊款大白象呢？嘥咗錢又唔討好，小心畀審計署查呀！